"Математика ғажайып әлемінде"

Шымкент қаласы Білім басқармасына қарасты №74 жалпы орта білім беретін мектебінде "Жазғы мектеп" өз жұмысын жалғастыруда.

Бір жыл бойы қашықтан оқыту барысында оқушылардың түсінбей қалған тақырыптары бойынша, математика, қазақ тілі, ағылшын тілі пәндері тағы да басқа негізгі тақырыптар қамтылып, сабақтар өткізіліп жатыр. Жазғы мектеп сабақтарына 1-8 сынып оқушылары қамтылды. Әр сынып оқушылары топтарға бөлініп, әр пән мұғалімдері өз сабақтарын қызықты  өткізуде.

Қазақ тілі пәні бойынша сөз таптарын қайталау, диктанттар жазғызу, жазу үлгілерін қалпына келтіру жұмыстары жүргізілді, оқу жылдамдығы тексерілді. 

Сонымен қатар маусым айының 15 күні "Математика ғажайып әлемінде" тақырыбында тренинг өткізіліп, түрлі логикалық тапсырмалар, бастауыштарға ойын есептер: теңдеуді шешу, амалдарды орындауға байланысты тапсырмалар болды.

Осылайша жазғы мектептің әр күні қызықты өтуде. Бұл тұста балалардың жүрегінен орын таба білген ұстаздардың еңбегі зор.