«Әкелер мектебі»

Шымкент қаласы білім басқармасына қарасты №74 жалпы орта білім беретін мектебінде әкенің бала тәрбиесіндегі жауапкершілігін арттыру мақсатында «Әкелер мектебі» құрылды. Қазақстан республикасының «Білім беру», «Бала құқығы» , «Жасөспірімдер арасында құқық бұзушылықтың алдын алу» туралы заңдарды негізге ала отырып мектептің міндеттері, ережелері мақсаты бекітілді.

«Әкелер мектебі» - ұрпақтың бойына адалдықты,парасаттылықты, адами қасиетті бойына сіңіріп, ұлы тұлға қылып тәрбиелейтін дара мектеп. Аталған мектептің төрағасы болып Исаев Ә.Ш., мүшелері  Мирзаев Т.Р., Ибраев Н., Сапарбеков Н. бекітілді.  

  «Әкелер мектебінің»  құрамына кірген ақсақалдар мен мұғалімдер, түрлі ұйым мүшелері жасөспірімдерге ұлттық құндылықтарды дәріптеумен айналысып, отбасылық тәрбиені насихаттап, мектептердегі бала тәрбиесін қолға алып жатыр. Сонымен қатар "Әкенің төріне сенбе, еткен еңбегіне сен!" тақырыбында кездесу ұйымдастырылды. Кездесу барысында  "Әкелер мектебінің" төрағасы Исаев Ә.Ш.  әр бала әкеге қарап өсетіндігін, әр әке баласына уақыт бөліп, кеңесіп отырса, дұрыс әке дұрыс тәрбие берсе, қоғамның дұрыс дамуына айтарлықтай үлес қосары анық екендігін айтты.

Отбасындағы әкенің міндеттері мен жауапкершілігін қалыптастыруға бағытталған «Әкелер мектебінің» жұмысы жылдық жоспарға сай жүргізілмек. Әрине бір әкенің тәрбиесін жүз мектеп те бере алмасы анық. Әке болу бар да, әке бола білу бар. Аталған мектептің жұмысы кейбір жандарға ой салып, бала тәрбиесіне оң өзгерістер әкеледі деп сенеміз.