"Жүрегі жүз жасаған бәйтерек"

Жүз жасаған жыр алыбы, ұлы ақын Жамбыл Жабаевтың өмірі мен шығармашылығын еске ала отырып, өлеңдерінің мазмұнын, тақырыбы мен негізгі ойын меңгеріп, жастардың бойында қазақ халқына, қазақ тіліне деген сүйіспеншілік сезімін қалыптастыру, оларға эстетикалық, патриоттық тәрбие беру мақсатында 2020 жылдың 24 наурызында Шымкент қаласы Білім басқармасына қарасты N74 жалпы орта білім беретін мектебінде 8-9 сынып оқушыларына "Жүрегі жүз жасаған бәйтерек" тақырыбында әдеби танымдық сабақ өткізілді.

Әдеби-танымдық сабаққа N74 жоббм ДТІЖО Бабашева Динара, ДҒӘЖО Мусирова Гулайым, орыс тілі мен әдебиеті пәні мұғалімі Разахова  Балжан қатысты.

Сабақ ІV кезеңнен тұрды.

І кезең. "Жамбылдың жауhар жырлары". Бұл кезеңде оқушылар "Сен жалғастыр" әдісі арқылы жырды жалғастырды.

ІІ кезең. "Жамбыл менің жәй атым, халық менің шын атым" атты кезеңде оқушылар “Kahoot!” платформасы арқылы Ж.Жабаевтың өмірі мен шығармашылығы жайлы сұрақтарға жауап берді.

ІІІ кезең. "Жамбыл - айтыс ақыны". Оқушылар танымал айтыскер-ақындардың, атап айтар болсақ үш дүркін "Алтын домбыра" иесі Мұхтар Ниязов. Республикалық жекпе-жек айтыстың екі дүркін жеңімпазы Мамыр Байдәулетов. Айтыскер ақын Ержеңіс Тастыбаевтың қойған бейне сұрақтарына жауап берді.

ІV кезең. "Жамбыл мен Абай үндестігі" атты кезеңде оқушылар Жамбыл мен Абай шығармаларына сыни көзқарас таныта отырып, салыстырды.

Сабақ барысында оқушылар белсенді қатысып, ақынның XIX ғасыр шегінде шығарған өлең-жырлары мен айтыстары өте мол болғандығы жайлы, олардан дәуір шындығы, Жамбылдың ақындық мұраты мен зор таланты айқын танылғандығы жайлы баяндап, өлеңдер оқыды.