"Қазақстан Республикасының Конституция күні құтты болсын"

Қазақстан Республикасының Конституция күні құтты болсын! 

Конституция – Қазақстан азаматтарының бостандығы мен құқықтарын, ар-ожданын, елдің тұтастығы мен бірлігінің кепілі. Жылдан жылға біздің басты құндылықтарымыз – Тәуелсіздігіміз, келісім мен бірлігіміз нығая берсін! Әр шаңыраққа құт-береке, ырыс пен ынтымақ тілеймін! Ата Заңымыз ғұмырлы, Тәуелсіздігіміз тұғырлы болсын!

Бүгін – Қазақстан Республикасы Конституциясының қабылданғанына 26 жыл толды. Конституция 1995 жылы 30 тамыз күні жалпыхалықтық Референдум негізінде қабылданды және 5 қыркүйек күні өз күшіне енді. Конституция 9 тараудан, 98 баптан тұрады. Содан бері 30 тамыз мемлекеттік мереке болып саналады.

Конституция құрылымы

I бөлім. Жалпы ережелер

II бөлім. Адам және азамат

III бөлім. Президент

IV бөлім. Парламент

V бөлім. Үкімет

VI бөлім. Конституциялық кеңес

VII бөлім. Соттар және сот төрелігі

VIII бөлім. Жергілікті мемлекеттік басқару және өзін-өзі басқару

IX Бөлім. Қорытынды және өтпелі ережелер

1995 жылдың 30 тамызында қабылданған ата заңды қазақстандықтардың 89 пайызы қолдап дауыс берді. Онда Қазақстан Республикасының демократиялық, зайырлы, құқықтық және әлеуметтік мемлекет екендігі, мемлекеттің ең жоғарғы құндылығының адам, оның өмірі, құқықтары мен бостандығы екендігі нақтыланды.