"Кел,балалар, оқылық!"

Құрметті ұстаздар! Қымбатты оқушылар, ата-аналар және барша қазақстандықтар!

Сіздерді бүгінгі жарқын да қуанышты, айтулы мереке – Білім күнімен құттықтаймыз!

1 қыркүйек барша халықтың дәстүрлі мерекесі қарсаңында Шымкент қаласы білім басқармасының 31.08.2021 ж №10-06-03/5886 хатының негізінде №74 жалпы орта мектебінде "Кел,балалар, оқылық!" атты 1-сыныптарға арналған мерекелік іс-шара өтілді. Салтанатты іс-шараға Қамқоршылық кеңесінің мүшесі Искакова Анипа апай қатысып, мектеп табалдырығын аттағалы отырған оқушыларға ізгі лебіздерін білдірді. Сонымен қатар, біздің мектебіміздің тарихымызда алғаш рет орын алып жатқан 10-сынып оқушылары қатысып, 1-сынып оқушыларына "Әліппе" кітабын табыстады.

Дәл осы күннен бастап, алғашқы қоңырау үнімен бірге, әр адам өмірінің жеке тұлға және азамат ретінде қалыптасу кезеңі басталады.

Баршаңызды бүгінгі Білім күнімен және жаңа оқу жылының басталуымен шын жүректен құттықтаймыз. Сіздерге бүгінгі ерекше, жайма шуақ күні жақсы көңіл күй, жаңа жетістіктер мен ашылуларға ұдайы ізденіс, шығармашылық, мықты денсаулық және жаңа бастамаларда тек қана сәттілік тілейміз! Бүгінгі күн Сіздер үшін үлкен үміттер күні болсын!