“Жазғы Мектеп “

Шымкент қаласы Білім басқармасына қарасты №74 жалпы орта білім беретін мектебінде ағымдағы жылдың 26 мамыр күні Қамқоршылық кеңесінің кезекті отырысы өткізілді. 2020-2021 оқу жылында мектепте атқарылған жұмыстардың нәтижесі туралы онлайн форматта есеп беру жиналысы өтті. Мектеп басшысының есеп беру жиналысына қамқоршылық кеңесінің төрағасы және мүшелері, ата-аналары қатысты.

 Мектеп директоры Н.Исакова өз есебінде төмендегідей ақпараттарды жеткізді. Мектеп басшысының атқарған қызметі, мектептің білім сапасы, педогог қызметкерлердің сандық, сапалық құрамы, білім алушылардың олимпиада, ғылыми жұмыстар бойынша жеткен жетістіктері, мектеп жанынан құрылған қамқоршылық кеңесінің атқарған жұмыстары, әлеуметтік жағдайы төмен отбасыларға көрсетілген көмектер, мектепке бөлінген қаржылардың есебіне,құқық бұзушылықтың алдын алу бойынша атқарылған жұмыстар, үйірме жұмыстары мен оқушылардың жетістіктері, мектепте атқарылған іс-шараларға тоқталып өтті. Мектептің ішкі тәртіп ережесіне, жазғы демалыс уақтысындағы оқушылардың өмір қауіпсіздігіне, “Жазғы Мектеп “бойынша атқарылатын жұмыстарға,сонымен қатар келесі оқу жылында жоспарланып отырған жұмыстарға тоқталды.