"Не берсеңдер балаға бер, бала үшін жаса"

Жақсылық жасау-имандылықтың, тәрбиеліктің, парасаттылықтың айқын көрінісі. "Не берсеңдер балаға бер, бала үшін жаса"- деген халқымыздың игі дәстүрі. Қазіргі кезде қайырымдылық  қоғам мен  мектеп  ұжымы және демеушілеріміздің тарапынан кеш қалған емес.

 Атап айтатын болсақ "Қамқоршылық" кеңесінің мүшесі, әрі тұрақты демеушіміз Ф.Б.Бабаханов мырза аз қамтылған және ораза ұстаған 40 оқушымызға өз тарапынан сусындар мен тәттілер үлестірді. Сонымен қатар мектеп ұжымы да мектебіміздің оқушылары ұзақ уақыт емделуіне байланысты қаржылай көмек қолын созған болатын.

 " Қызыл- ай" республикалық қайырымдылық қорына 2 оқушымыздың құжаттары өтіп, ата-аналарының есеп шоттарына қаржылай көмек көрсетілетіндігі жөнінде ескертілді.

  "Жылуы жоқ үйден без, қайырымы жоқ биден без"- дегендей қайырымдылық адамгершілікті биік ұстап, кішілікті ту етіп, көкірегі қаяулы, жаны жаралы жанның жасын сүртіп, жылы лебізін аямай қолдан келгенше жәрдемін ұсынып,достық пейілдеріңізді танытқандарыңызға үлкен ризашылығымызды білдіреміз. Жасаған жақсылықтарыңыз еселеп қайтуын Алла нәсіп етсін! Алла разы болсын!

 Шымкент қалалық білім басқармасына қарасты 74 мектеп.