«Ұлттық домбыра»

Домбыра жүрегіммен үндес едің,

Өзіңмен сырласымдай тілдесемін.

Бабамнан қалған мұра сен болмасаң,

Өнердің не екенін де білмес едім– деп Мұқағали Мақатаев жырлағандай, қазақ пен домбыра – егіз ұғым. Оларды бір-бірінен айыру мүмкін емес.

      Бабадан жеткен бұл өнерді өскелең ұрпақтың бойына жаппай сіңіру керек деп, Елбасымыз 2018 жылдан бастап 1 шілде «Ұлттық домбыра» күні деп жариялады және «Ұлттық домбыра қоғамды ұлттық мәдениет пен бірегейлікті сақтау мен қайта жаңғырту»идеясының төңірегінде одан әрі тойлануда.

      Шымкент қаласы Білім басқармасына қарасты №74 жалпы орта білім беретін мектебінде 8 қазан күні Қазақстан Республикасында білім беруді және ғылымды дамытудың 2020 – 2025 оқу жылдарына арналған Тәрбие Тұжырымдамасының жоспарына сәйкес Дина Нұрпейсованың 160 жылдығына орай «Даламды күймен тербедім» тақырыбында  оңтүстік өңірінің ұлт руханиятына өз үлестерін өлшеусіз қосып жүрген өнер жанашырлары, Жазушылар одағының мүшесі,  2001 жылы өткен Республикалық термешілер сайысының жеңімпазы, 2003 жылы Ташкентте өткен «Өзбекстан — ортақ үйіміз» Халықаралық фестивалінің лауреаты, дүниежүзі қазақтары қауымдастығының I және ІІ құрылтайының делегаты, бірнеше мүшәйралардың жеңімпазы, Халықаралық ақындар айтысының жүлдегері, 1954 жылы Түркістан облысының Жетісай өңірінде туған ақын, жазушы – Оразымбет Бөрібай Қыдырбекұлы ағамыз бен Оңтүстік Қазақстан облысы Төле би ауданы Кеңесарық елді мекенінің тумасы, ақын, жазушы – Пошатаев Абдулмахмуд Қанатұлымен  кездесу кеші болып  өтті.

       Кездесуге мектебіміздің Қамқоршылық кеңесінің төрағасы Тулемесов Елемес ағай, Қамқоршылық кеңесінің мүшесі Искакова Анипа апай, Кәсіподақ ұйымының төрағасы Мамадалиев Бегижон ағай және мектеп оқушылары мен ұстаздары қатысты.

    Сырлы сұқбатқа толы болған әсерлі кеште оқушылар және ұстаздар ақын өмірі мен шығармашылығымен, адами болмысы мен рухани әлемімен жақын таныса алды. Кездесу барысында мектеп оқушылары ақын жырларын нақышына келтіріп орындап, қаламгер ағаларына  өздерін толғандырып жүрген сұрақтарын қойды. Кешті 7 «А» сынып оқушысы Оракбаева Риза әсем әнмен әрледі. Мектеп оқушылары мен ұстаздар ақынның жүрегін жарып шыққан жырларын тыңдап, ақын өлеңдерімен рухани сусындап қайтты.  Кеш соңына дейін тапжылмай отырғандығынан-ақ жас тыңдармандардың қара өлеңге деген махаббатын аңғаруға болады.

     Тамаша кеш соңында мектебіміздің директоры Исакова Нурипа Әуелқызы  ақындар шығармашылығына ерекше табыс тілеп, өзекжарды тілектерін жаудырды. Сый-сияпаттарын тапсырып, құрмет көрсетті.

     Ал, кешіміздің ақындары өз кезегінде жиналған қауымға ризашылығын білдіріп, білім ордасына 5 домбыра сыйға тартты. Сонымен қатар өз шығармаларынан мектебімізге кітаптар тарту етіп, ақ тілегін арнап, оқушылармен және мектеп ұжымымен естелікке суретке түсті.