05
октябрь
2021
"Ұстаз,ұстаз!!! "
Барлық мамандықтың анасы ұстаз екенін ескерсек, айтулы күні мектебімізде ұстаздардың төл мерекесі жоғарғы деңгейде өтті.
№74 жалпы орта білім беретін мектебінің оқушылары ұстаздарды кәсіби мерекемен құттықтады.
Яғни, сенбі күні таңғы 8.00 де барлық мектеп оқушылары ұстаздарын әртүрлі безендірілген құттықтау сөздермен және қызыл кілем төсеп, қол шапалақтап құрметпен қарсы алды. Сол күні "Өзін өзі басқару" ұйымы өз жұмысын бастап кетті. Мерекелік концертте оқушылар ардақты ұстаздарына арнап тамылжыта ән салып, мың бұрала биледі. Мерекеде мектеп басшысы Нурипа Әуелқызы өз сөзін білім нәрімен сусындатқан ұстаздарына ризашылық көңілін білдіруден бастап, ұрпақ тәрбиесіне бар саналы ғұмырын арнап келе жатқан барша мұғалімдер қауымын төл мерекелерімен құттықтады.
Мерекелік шарада барлық ұстаздардың көңіл күйі ерекше болды.
Кеш оқушылардың ұстаздарға арналған сәлемдемелерімен басталып, ән , би және әзілмен әрленген қойылымдарымен жалғасты.
Оқушылардың ұйымдастыруымен өткен кеш жоғары деңгейде өтіп, білім беру ұясынының жүрегі мен тірегі атанып жүрген ұстаздардың мерекелік көңіл-күйін асқақтатып жіберді.