"Тіл -әр ұлттың ең ұлы анасы "

5 қыркүйек Қазақстан халқы тілдер күні мерекесіне орай Шымкент қаласы Білім басқармасына қарасты №74 жалпы  орта білім беретін мектеп кітапханасының ұйымдастыруымен " Тіл - ұлт тірегі" атты кітап көрмесін жасап оқушыларға туған халқының тілін қастерлейтін саналы да парасатты азамат етіп тәрбиелеу мақсатында көрме ұйымдастырлып , библиографиялық шолу жүргізілді. 

Мемлекет басшысы Қасым – Жомарт Тоқаев «Тәуелсіздік бәрінен қымбат» атты мақаласында: «Мемлекеттік тілді білу – Қазақстанның әрбір азаматының парызы. Міндеті деп те айтуға болады» деген болатын. 

Мақсаты: Қазақстан халқының мемлекеттік тілінің дамуына ықпал ету және өзге ұлт өкілдерінің тілдеріне құрмет көрсету. Ана тілін жақсы біліп тұрып,  өзге тілді жетік білу – үлкен жетістік екенін білу. Кітапхана қорындағы тіл туралы кітаптарды насихаттау. 

       Кітап көрмеге кітапхана қорындағы тілге байланысты әдебиеттер, мерзімді басылым беттерінде әр жылдарда жарық көрген мақалалар және ғаламтор беттеріндегі қызықты мәліметтер орын алды.

2017 жылғы үкімет басшысы Бақытжан Сағынтаев "Қазакстан республикасында мереке күндер тізбесін бекіту туралы" қаулысымен 5 қыркүйек- Тілдер күні белгіленді.Айта кету керек , Тіл мерекесінің 5 қыркүйек болып белгіленуінің де өзіндік себебі бар.Бұл күн - " Ұлттың сақталуына да, жоғалуына да себеп болатын нәрсенің қуаттысы- тіл"деп ұлағатты сөз қалдырған, қазақ халқының тағдыры, тілі үшін күрескен Алаш арысы ,Ұлт ұстазы Ахмет Байтұрсынұлының туған күні.

Қазақ тілі дүние жүзіндегі ең бай, беделді тіл.Осы қасиетті тілімізді қадірлейік қастерлейік.

"Тіл -әр ұлттың ең ұлы анасы ". М.Шаханов