"Тіліміздің мәртебесі - еліміздің мәртебесі"

2017 жылдың 31 қазан айынан бастап Қазақстан халқы тілдерінің күні мерекесі аталып өтілуде. 2018 жылдан бастап Тілдер мерекесі қазақ тіл білімі мен әдебиеттану ғылымдарының негізін салушы, ағартушы Ахмет Байтұрсынұлының туған күніне орай, 5 қыркүйекте мерекеленіп келеді. Бұл мереке– Қазақстанда тұратын барлық этнос өкілдерінің ана тіліне құрмет көрсететін ортақ мейрам.  

        5 қыркүйек – Қазақстан халқы тілдері күні мерекесіне орай Шымкент қаласы Білім басқармасына қарасты №74 жалпы орта білім беретін мектебінде «Тіл мәртебесі – ел мәртебесі» атты іс-шара аталып өтілді. Аталмыш іс-шара мектеп акт залында барлық карантиндік талаптарды сақтай отырып жасады. Ең бастысы білім алушылардың іс-шараны өткізуге деген қызығушылықтары басым екені байқалды. Тіл қандай ұлтта болмасын әрқашанда қасиетті де құдіретті. Қазақстан әр тілде сөйлейтін халықтардың басын біріктіріп отырған мемлекет екенін бүгін тіл мерекесінде тағы бір рет көз жеткіздік. 

       Біздің тәуелсіздігіміздің айғағы - тіл, қайда болсақ та бізді айқындап тұратын - тіл. Тіліміздің мәртебесі - еліміздің мәртебесі, ал тіл мәртебесі халықтың қолында. Тілді қаншалықты бағалап құрметтесек, соншалықты еліміздің еңсесі биік болады. Тіл мерекесі құтты болсын!!!

Тіліміздің тұғыры биік, аспанымыз ашық болсын!!!