«Мен өмірді жырлау үшін келгенмін»

«Ізгілік пәндер бірлестігінің» апталығы  жоспарға сәйкес қазақтың  қара өлеңін — құдіретім деп жырлаған ақиық ақын Мұқағали Мақатаевтың 90 жылдығына орай «Мен өмірді жырлау үшін келгенмін» атты  әдеби кешімен ашылды. 

Жырлары қиып түсер қылыштай өткір сөзді ақынды өскелең ұрпаққа өсиет етіп, рухани және патриоттық тәрбие беру мақсатында өткен іс-шараға мектебіміздің  5-9 сынып оқушылары  қатысып, ақынның белгілі өлең-жырларын көрермендерге тарту етті. #тәрбие_шымкент_әдістемелікорталық

Мұқағали — қазақ жырының аспанындағы аз ғана жұлдыздардың бірегейі, қайталанбас сөз зергері . Жалындап өткен 45 жылдық қысқа ғұмырында қазақ әдебиетіне өшпес те, өлмес мұра қалдырған жан.

Сөз жәдігерінің майталманы Мұқағалидың шығармашылығы өзіндік ерекшелігімен, тояттамас көңіл мен кәусар сезім сыйлайтын сергектігімен оқырман жүрегіне жол тартқан. Сырлы өлеңнің падишасы Мұқағали Мақатаевтың артында қалдырған мұрасы, маржан поэзиясы – мәңгілік ұрпақтың еншісінде.