«Республикалық референдум туралы»

Қазақстандық қоғам үлкен ауқымды саяси өзгерістер алдында тұр. Өздеріңізге мәлім, мемлекет басшысы Қасым-Жомарт Тоқаев Қазақстан Республикасы Конституциясының 91-бабының 1-тармағына және «Республикалық референдум туралы» Қазақстан Республикасы Конституциялық заңының 18-бабына сәйкес қаулыға қол қойған болатын. Енді саяси модельді жүйелі түрде трансформациялау арқылы конституциялық реформаны  іске асырамыз. 

Конституциялық реформа дегеніміз қоғамның сұранысы мен ұсынысына негізделген саяси реформалар бағдарламасын жүзеге асыру. Қолданыстағы Конституция 98 баптан тұрса, ал рефендум барысында 31 бапқа түзету мен 2 жаңа баппен толықтырылады. Бұл Конституцияның үштен бірі өзгереді, яғни, референдум барысында Ата Заң жаңа сипатқа ие болады деген сөз.

 Мемлекетіміздегі Конституциялық реформаның бағыттары төмендегідей:

- Суперпрезиденттік басқарудан түбегейлі бас тартып президенттік республика моделіне өту;

- Биліктің бірқатар өкілеттілігін қайта бөлу;

- Парламенттің рөлі мен мәртебесінің өзгеруі;

- Халықтың ел басқару ісіне араласуын кеңейту;

- Азаматтардың құқын қорғау тетіктерін күшейту. 

Конституциялық реформаның саяси мәні – суперпрезиденттіктен президенттік басқару формасына көшу мақсатында Екінші республиканың конституциялануы.

Саяси жүйемізді түбегейлі өзгерту арқылы халық мемлекетті басқару ісіне қатысуға кеңінен мүмкіндік алмақ.

 Аса маңызды шара – 5–маусымға жоспарланған РЕСПУБЛИКАЛЫҚ РЕФЕРЕНДУМҒА барлық қазақстандықтарды жауапкершілікті сезіне отырып, дауыс беруге шақырамыз! Әрбір азаматтың дауысы, пікірі, көзқарасы маңызды! 

Тәуелсіз Қазақстанның жаңару мен жаңғырудан тұратын жаңа тарихы өз қадамын бастады.  Жаңа Қазақстанды бірге құрайық!